ՄԵՍՐՈՊԵԱՆԻ ՄԷՋ ՀԱՍՏԱՏՈՒԵՑԱՒ ՏԻԿԻՆ ՇՈՂԻԿ ՀԱՆՏԵԱՆԻ ՅԻՇԱՏԱԿԻՆ ՆՈՒԻՐՈՒԱԾ ՏԱՐԵԿԱՆ ԱՐՏԱՍԱՆԱԿԱՆ ՄՐՑՈՒՄ
Երկ, 04 Հնս 2018
Տեղադրուած է այստեղ Extracurricular Activities

23 Մայիս 2018-ին, Հայ կաթողիկէ Մեսրոպեան բարձրագոյն վարժարանին մէջ տեղի ունեցաւ հայերէն արտասանութեան մրցում, Մայրերու օրուան առիթով եւ նուիրուած վարժարանի հայերէնի եւ հայոց պատմութեան վաղամեռիկ ուսուցչուհի տիկին Շողիկ Հանտեան Խաչերեանին:

Արտասանութեան մրցումին համար ընտրուած էին մայրութեան խորհուրդը արտայայտող երեք քերթուածներ, որոնց կատարումներով հանդէս եկան 5-7-րդ դասարաններու 12 աշակերտներ: Ասմունքներուն զուգահեռ, նախակրթարանի աշակերտներ կատարեցին խմբային երգեր եւ նուագ:

Մրցումին յաղթական ընտրուեցաւ  6-րդ դասարանի աշակերտ Նազօ Ղազարեան, որ ասմունքած էր Աւետիք Իսահակեանի Մօր Սիրտը քերթուածը: Աշակերտին յանձնուեցաւ Տիկին Շողիկ Հանտեանի անուան մրցանակը, որ հետագային` իւրաքանչիւր տարի պիտի փոխանցուի անոր յիշատակին կայանելիք մրցումներու առաջնութիւնը գրաւողին: Յանձնումը կատարեցին մրցումին ներկայ եղող տիկին Շողիկի հարազատները: Խօսք առաւ դատակազմի ներկայացուցիչ, լիբանանահայ ծանօթ ասմունքող տիկին Անի Եփրեմեան, որ գնահատեց մասնակիցներու աշխատանքը, ինչպէս նաեւ Մեսրոպեանի տնօրէնութեան նախաձեռնութիւնը:

Վարժարանի տնօրէն պարոն Կրէկուար Գալուստ փակման խօսքին մէջ ըսաւ, որ արտասանութեան այս մրցումը այս տարուընէ սկսեալ պիտի վերածուի տարեկան աւանդութեան, անմահացնելու համար վաստակաւոր ուսուցչուհիի մը յիշատակը, որ համակ նուիրումով ծառայեց հայ դպրոցին եւ աշակերտին: Ան մաղթեց, որ աշակերտներուն մէջ միշտ միշտ վառ մնայ հանգուցեալ տիկին Շողիկին փոխանցած հայկականութեան շունչն ու ոգին:

 



IMG_1705_800x533.JPG
265.9 KB
Տեսնել
IMG_1711_800x533.JPG
340.4 KB
Տեսնել
IMG_1714_800x533.JPG
330.2 KB
Տեսնել
IMG_1725_800x533.JPG
275 KB
Տեսնել
IMG_1855_800x533.JPG
243.6 KB
Տեսնել
IMG_1880_800x533.JPG
321.9 KB
Տեսնել
IMG_1885_800x533.JPG
310.5 KB
Տեսնել
IMG_1890_800x533.JPG
280.2 KB
Տեսնել

Փակ է Մեկնաբանութիւններու Համար
Անուն
Վերնագիր
Մեկնաբանութիւն

  +961 1 260504 / 262955 / 254940          

  [email protected]          

  Պուրճ Համուտ, Արաքս փողոց,  Պէյրութ, Լիբանան          

English Français