ՄԵՍՐՈՊԵԱՆ ՎԱՐԺԱՐԱՆԻՆ ՄԷՋ ՆՇՈՒԵՑԱՒ ՍՐԲՈՑ ՎԱՐԴԱՆԱՆՑ ՏՕՆԸ
Երք, 20 Փտվ 2018
Տեղադրուած է այստեղ Extracurricular Activities | Spiritual Education | Festivities

Հայ կաթողիկէ Մեսրոպեան բարձրագոյն վարժարանի աշակերտութիւնը արժանաւորապէս նշեց Սրբոց Վարդանանց տօնը, վերանորոգելով իր ուխտը հաւատարիմ մնալու Հայրենիքի եւ Հաւատքի պաշտպանութեան անոնց կտակին:

Մեսրոպեանի աշակերտները ըստ բաժանմունքներու՝ առանձին 4 հանդիսութիւններով ոգեկոչեցին Աւարայրի հերոսներուն յիշատակը՝ անոնց նուիրուած գեղարուեստական ելոյթներով, մինչ բանախօսները հանդէս եկան պատգամներով, յատկապէս շեշտելով տօնին այժմէական նշանակութիւնը՝ նոր սերունդին համար:

Տօնին նուիրուած աշակերտական կատարումները յատկանշուեցան անմիջականութեամբ եւ բծախնդիր պատրաստութեամբ, որուն ի խնդիր նաեւ պատասխանատու ուսուցիչներուն կատարած աշխատանքը ակներեւ դարձաւ:

Տարրականի աշակերտներուն յաւուր պատշաճի խօսք ուղղեց վարժարանի անձնակազմի անդամ օրդ. Իզապէլ  Լեւոնեան, նախակրթարանի եւ միջնակարգի աշակերտներուն՝ Վանայ Ձայն ռատիոկայանի աշխատակցուհի տիկին Մարալ Հարպոյեան, իսկ երկրորդականի աշակերտներուն՝ մանկավարժ տիկին Սրբուհի Ճենանեան: Անոնք  բացատրեցին Աւարայրի ճակատամարտի պատմական պայմաններն ու անոր նշանակութիւնը՝ հայ ժողովուրդին համար: Բանախօսները անդրադարձան մշակութային այլասերումին եւ ազգային հարցերուն հանդէպ անտարբերութեան, որոնք վտանգի կ՛ենթարկեն հայութիւնը եւ որոնց նկատմամբ պէտք է նոյն քաջութեամբ, գիտակցութեամբ ու հաւատքով ծառանալ, ինչպէս Վարդանանք դիմագրաւեցին յազկերտեան վերջնագիրը:

Բոլոր հանդիսութիւններուն եզրափակիչ խօսքով հանդէս եկաւ Մեսրոպեանի տնօրէն պարոն Կրէկուար Գալուստ: Պարոն տնօրէնը դիտել տուաւ, որ ի տարբերութիւն բազմահազար հայ մանուկներու եւ պատանիներու՝ աշխարհի ամբողջ տարածքին, Մեսրոպեանի նման հայկական վարժարաններու աշակերտները պէտք է բախտաւոր եւ հպարտ զգան, որ կ՛ապրին հայօրէն՝ խօսելով, երգելով եւ ասմունքելով իրենց հայրերու լեզուով, որուն պաշտպանութեան համար Վարդանանք զոհուեցան: Ան կոչ ուղղեց աշակերտներուն, որ ոչ միայն այս արժէքները յաւերժ ապրեցնեն իրենց մէջ, այլ նաեւ տարածողները ըլլան այդ արժէքներուն, յատկապէս հայութենէն մեկուսացած իրենց տարեկիցներու շրջանակին մէջ:

 



IMG_0504_800x533.JPG
401.5 KB
Տեսնել
IMG_0517_800x533.JPG
353.4 KB
Տեսնել
IMG_0550_800x533.JPG
357 KB
Տեսնել
IMG_0632_800x533.JPG
352.4 KB
Տեսնել
IMG_0661_800x533.JPG
402.6 KB
Տեսնել
IMG_0677_800x533.JPG
385.7 KB
Տեսնել
IMG_0693_800x533.JPG
368.8 KB
Տեսնել
IMG_0724_800x533.JPG
289.8 KB
Տեսնել
IMG_0736_800x533.JPG
270.3 KB
Տեսնել
IMG_0761_800x533.JPG
346.3 KB
Տեսնել

Փակ է Մեկնաբանութիւններու Համար
Անուն
Վերնագիր
Մեկնաբանութիւն

  +961 1 260504 / 262955 / 254940          

  [email protected]          

  Պուրճ Համուտ, Արաքս փողոց,  Պէյրութ, Լիբանան          

English Français